На выставе харчовай прадукцыі Gulfood у Дубаі беларускія прадпрыемствы дамовіліся аб пастаўках прадукцыі ў 20 краін свету.
У Дубаі прайшла найбуйнейшая ў свеце выстава харчовай прадукцыі Gulfood, у якой прынялі ўдзел больш за 4 тыс. кампаній са 120 краін. Беларусь ужо сёмы год прадставіла нацыянальны павільён на гэтай прэстыжнай міжнароднай пляцоўцы.
Па выніках удзелу айчынныя прадпрыемствы дамовіліся аб пастаўках сваёй прадукцыі дыстрыбутарам і аптовым пакупнікам з розных краін свету. У прыватнасці, агракамбінат «Дзяржынскі» дамовіўся аб пастаўках мяса птушкі ў Катар, Кувейт, Саудаўскую Аравію і ААЭ, а яго даччынае прадпрыемства «1-я Мінская птушкафабрыка» - курыных яек у краіны Афрыкі і Эмірат Дубай. Кампанія «Малочны свет» - аб пастаўках сметанковага масла ў краіны Еўрасаюза, Лідскі малочна-кансервавы камбінат - сухога абястлушчанага малака ў Эмірат Дубай і Рэспубліку Карэя, сухога цэльнага малака - у Азербайджан.
Малочнай прадукцыяй, прадстаўленай у беларускай экспазіцыі, зацікавіліся імпарцёры з Бангладэш, Кувейта, ААЭ, ЗША, Саудаўскай Аравіі, Узбекістана, Украіны і Філіпін. Праведзены перагаворы аб пастаўках гатовай прадукцыі ў буйныя гандлёвыя сеткі ААЭ.
У бліжэйшы час экспазіцыі Беларусі будуць прадстаўлены на буйных харчовых і шматпрофільных выставах ва Узбекістане, В'етнаме, Азербайджане, Арменіі, Казахстане, Катары, Сербіі, Кеніі і г.д.
