1.png)
Нацыянальная экспазіцыя Беларусі будзе прадстаўлена на 47-й міжнароднай шматпрофільнай выставе Ulaanbaatar Partnership, якая пройдзе 22-25 верасня ва Ўлан-Батары. У экспазіцыі прымуць удзел буйныя экспартна арыентаваныя беларускія кампаніі - вытворцы прадуктаў харчавання, фармацэўтычнай прадукцыі, машынабудаўнічыя прадпрыемствы, навукова-тэхнічныя арганізацыі і іншыя.
Выстава Ulaanbaatar Partnership мае ўніверсальны характар і ахоплівае шырокі спектр тэматычных раздзелаў: прадукты харчавання і напоі, сельская гаспадарка, машынабудаванне, будаўніцтва, ахова здароўя, фармацэўтыка, лёгкая прамысловасць, бытавая электроніка. Мерапрыемства з'яўляецца адной з найбуйнейшых шматгаліновых выставак у Манголіі: у 2021 годзе яна сабрала 110 кампаній і 12 тыс. наведвальнікаў.
Беларусь прымала ўдзел у выставе ва Ўлан-Батары ў фармаце нацыянальнай экспазіцыі ў 2019 годзе. Экспазіцыя прапанавала прадукцыю і паслугі 15 кампаній: арганізацый машынабудавання, харчовай прамысловасці, навукі і адукацыі. Дзелавая праграма ўключала 10 мерапрыемстваў: наведванне вытворчых і гандлёвых арганізацый, b2b-перамовы, а таксама Беларуска-мангольскі бізнес-форум з удзелам прадстаўнікоў 60 мангольскіх прадпрыемстваў.
