Перавагі для інвестараў у Беларусі
Беларусь сёння – краіна, адкрытая для замежных інвестыцый, якая стварае спрыяльныя ўмовы для эфектыўнага вядзення бізнесу.
Перавагі для інвестараў:
- стратэгічнае геаграфічнае становішча
- прамы выхад на рынак краін ЕАЭС (Беларусь, Расія, Казахстан, Арменія, Кыргызстан)
- добра развітая інфраструктура Беларусі: транспарт, лагістыка, камунікацыі
- прагрэсіўнае эканамічнае заканадаўства Беларусі
- абароненыя дзяржавай правы інвестараў
- прывабныя інвестыцыйны клімат і сістэма падаткаабкладання
- дзяржаўная падтрымка інвестараў: гарантыі, ільготы і прэферэнцыі
- магчымасці прыватызацыі
- 6 свабодных эканамічных зон
- высокакваліфікаваныя працоўныя рэсурсы
- дастойная якасць жыцця
У Беларусі дзейнічае Кансультатыўны савет па замежных інвестыцыях пры Савеце Міністраў Рэспублікі Беларусь (КСЗІ), які:
- распрацоўвае прапановы па ўдасканаленні заканадаўства ў галіне інвестыцый
- удзельнічае ў разглядзе нарматыўных актаў, якія рэгулююць дзейнасць камерцыйных арганізацый з замежнымі інвестыцыямі
- уносіць у органы дзяржаўнага кіравання прапановы аб адмене або змяненні нарматыўных прававых актаў, якія абмяжоўваюць правы інвестараў
У 2019 годзе замежныя інвестары ўклалі ў рэальны сектар эканомікі Беларусі (акрамя банкаў) $10 млрд. Сярод асноўных інвестыцыйных партнёраў беларускіх суб'ектаў – кампаніі з Расіі, Злучанага Каралеўства Вялікабрытаніі і Паўночнай Ірландыі, Кіпра, Польшчы, Аўстрыі, Украіны, Літвы, Кітая, Германіі, Нідэрландаў.
Інвестыцыйныя праекты ў Беларусі
Усе галіны эканомікі Беларусі адкрыты для замежных інвестыцый. Выключэнне складаюць вытворчасць зброі, наркатычных і ядавітых рэчываў.
Замежныя інвестары могуць ствараць у Беларусі кампаніі з любым аб'ёмам інвестыцый, а таксама свае філіялы і прадстаўніцтвы. Гарантаваныя дзяржавай ільготы і прэферэнцыі садзейнічаюць узаемавыгаднаму супрацоўніцтву. Для кампаній інвестараў у Беларусі дзейнічаюць спецыяльныя прававыя рэжымы ў свабодных эканамічных зонах, малых і сярэдніх гарадах, сельскай мясцовасці, Парку высокіх тэхналогій і інш.
Прыярытэтныя напрамкі і праекты для прамых замежных інвестыцый у Беларусі:
- фармацэўтычная прамысловасць
- біятэхналогіі
- нанатэхналогіі і нанаматэрыялы
- высокія тэхналогіі ў прамысловасці
- новыя матэрыялы
- нафтахімічная і хімічная прамысловасць
- машынабудаванне і вытворчасць абсталявання
- транспарт і транспартная інфраструктура
- будаўніцтва
- будматэрыялы
- сельская гаспадарка
- харчовая прамысловасць
- інфармацыйна-камунікацыйныя тэхналогіі
- турызм
Арганізацыі, якія могуць дапамагчы ўкласці капітал у Беларусі
Нацыянальнае агенцтва інвестыцый і прыватызацыі створана спецыяльна для прыцягнення ў краіну замежных інвестыцый.
Замежныя інвестары, якія жадаюць весці бізнес у Беларусі, могуць атрымаць дапамогу Нацыянальнага агенцтва інвестыцый і прыватызацыі. Паслугі для замежных інвестараў – бясплатныя:
- садзейнічанне ў арганізацыі візіту ў Беларусь, афармленні візы
- атрыманне поўнай інфармацыі аб інвестыцыйных магчымасцях Беларусі
- падбор аб'ектаў для інвесціравання
- збор і аналіз інфармацыі аб канкрэтным аб'екце інвестыцый
- арганізацыя сустрэч з партнёрамі для прыняцця інвестыцыйнага рашэння
- вырашэнне пытанняў, якія ўзнікаюць у ходзе рэалізацыі інвестпраекта
- постпраектная падтрымка інвестараў
Існуюць таксама міністэрствы, агенцтвы і арганізацыі, якія акажуць дапамогу ў пытаннях інвесціравання.
Беларускія банкі
Сёння беларускія банкі прадастаўляюць кліентам шырокі спектр паслуг, асаблівая ўвага ўдзяляецца крэдытаванню інвестыцыйных праектаў, жыллёвага будаўніцтва, насельніцтва, а таксама падтрымцы аграпрамысловага комплексу.
Банкаўскі сектар Рэспублікі Беларусь на 1 студзеня 2020 г. уключаў 24 дзеючыя банкі. Асноўны аб’ём капіталу (каля 87%) сканцэнтраваны ў 7 сістэмна значных банках – ААТ "ААБ Беларусбанк", ААТ "Белаграпрамбанк", ААТ "Белгазпрамбанк", ААТ "БПБ-Ашчадбанк", "Пріорбанк" ААТ, ААТ "Белзнешэканамбанк" ("Банк БелВЭБ"), ААТ "Белінвестбанк".
Нацыянальны банк Рэспублікі Беларусь – галоўнае звяно банкаўскай сістэмы краіны, створаны ў 1991 г., дзейнічае на аснове Канстытуцыі Рэспублікі Беларусь, Банкаўскага кодэкса і інш. Органамі кіравання з'яўляюцца Праўленне (старшыня і члены Праўлення назначаюцца Прэзідэнтам Рэспублікі Беларусь) і Савет дырэктараў (яго члены выбіраюцца Праўленнем).
Нацбанк прадстаўляе краіну ў міжнародных арганізацыях па пытаннях, якія знаходзяцца ў яго кампетэнцыі, можа ўдзельнічаць у дзейнасці міжнародных банкаўскіх фондаў і асацыяцый, адкрываць прадстаўніцтвы ў замежных дзяржавах.
У краіне функцыянуюць камерцыйныя банкі, банкі з удзелам замежнага капіталу, а таксама прадстаўніцтвы замежных банкаў.
Беларусь з'яўляецца членам ключавых міжнародных арганізацый, такіх як:
- Міжнародны валютны фонд (МВФ)
- Сусветны банк
- Еўрапейскі банк рэканструкцыі і развіцця (ЕБРР)
