Аграпрамысловую выставу «Белагра» па праву можна лічыць штогадовым абагульненнем перадавога міжнароднага вопыту ў сельскагаспадарчым машынабудаванні, пошукам арыгінальных інавацыйных рашэнняў у сферы экалагічна бяспечных матэрыялаў і безадходных тэхналогій. Лепшыя міжнародныя гандлёвыя маркі, вядучыя кампаніі і наватары аграпрамысловага рынку штогод выбіраюць выставу «Белагра» як эфектыўную пляцоўку для дэманстрацыі новых тавараў і паслуг.
Штогод удзел у выставе прымае больш за 500 кампаній з 25 краін
На адкрытай пляцоўцы свае навінкі прадставяць практычна ўсе прадпрыемствы Беларусі, якія вырабляюць сельскагаспадарчую тэхніку, размесціцца выставачная экспазіцыя Міжнароднай спецыялізаванай выставы «Белферма».
Калектыўныя экспазіцыі прадставяць Міністэрства сельскай гаспадаркі і харчавання Рэспублікі Беларусь, Міністэрства прамысловасці, Нацыянальная акадэмія навук Беларусі, Канцэрн «Белдзяржхарчпрам», Белкаапсаюз, іншыя міністэрствы і ведамствы.
Сельскагаспадарчая прадукцыя, машыны, абсталяванне будуць дэманстравацца ў тэхналагічным ланцужку з сучаснымі энергазберагальнымі тэхналогіямі ўсіх галін, звязанымі як з вытворчасцю прадукцыі, так і з яе перапрацоўкай, транспарціроўкай, захоўваннем і рэалізацыяй.
Сярод экспанентаў - праекціроўшчыкі і распрацоўшчыкі розных будаўнічых сельскагаспадарчых аб'ектаў, абсталявання для перапрацоўкі сельскагаспадарчай прадукцыі, сучаснай сельскагаспадарчай тэхнікі і матэрыялаў.
Экспазіцыя Міжнароднай спецыялізаванай выставы «Белферма» прадставіць апошнія дасягненні ў галіне жывёлагадоўлі
Кармушкі для жывёл і абсталяванне для іх утрымання, клеткавае абсталяванне і інкубатары, аўтаматызаваныя ўстаноўкі для малочна-таварных ферм. На выставе таксама можна будзе пазнаёміцца з аўтаматызаванай сістэмай кіравання статкам, даільнымі ўстаноўкамі розных мадыфікацый, малакоахаладжальнымі ўстаноўкамі, як стацыянарнымі, так і перасоўнымі для працы на пашах. Тут пакажуць новыя корма і кармавыя дабаўкі, ветпрэпараты і медыкаменты, новыя тэхналогіі ў біяэнергетыцы, у тым ліку энергетычнае абсталяванне і яго праграмнае забеспячэнне.
Навукова-практычны цэнтр НАН Беларусі па жывёлагадоўлі і ГА «Белплемжыўаб'яднанне» арганізуюць спецыяльную экспазіцыю дасягненняў айчыннай жывёлагадоўлі і птушкагадоўлі.
Штогод вялікую цікавасць як у спецыялістаў, так і ў маленькіх наведвальнікаў выставы выклікае наведванне «рыбацкай вёскі», арганізаванай ГА «Белводхоз».
У выставачным павільёне беларускія і замежныя вытворцы прадэманструюць самае сучаснае абсталяванне і матэрыялы для перапрацоўкі сельскагаспадарчай прадукцыі. Тут размесцяцца экспазіцыі выстаў «ПРАДМАШ. ХАЛАД. УПАК»- абсталяванне для прадпрыемстваў харчовай прамысловасці; «Белагра» - абсталяванне для перапрацоўкі сельскагаспадарчай прадукцыі, «Харчовая індустрыя. Белпрадукт»- прадукты харчавання.
Прафесійным суправаджэннем выстаў стане дзелавая праграма, насычаная мерапрыемствамі па розных кірунках развіцця аграпрамысловага сектара.
Праграма выставы будзе напоўнена практычнымі дэманстрацыямі, прэзентацыямі, майстар-класамі і конкурсамі
У дні выставы пройдуць ўсенародны дэгустацыйны Конкурс «Чэмпіён густу», «Конкурс на лепшую племянную карову», конкурс «Лепшы племянны конь», выстава пароднай птушкі, выстава сельскагаспадарчых жывёл, адкрыты аўкцыён па продажы племянных жывёл і інш.
Яркае афармленне экспазіцый, прэзентацыі і дэгустацыі прадукцыі, «горад майстроў», кірмаш-продаж і выступленні творчых калектываў зробяць выставу яркім, запамінальным святам для ўсіх наведвальнікаў.
Удзел у выставе дасць магчымасць знайсці новых партнёраў, даведацца пра сучасныя тэндэнцыі развіцця аграрнай галіны, абмяняцца вопытам, годна прадставіць сваю прадукцыю, паказаць апошнія навінкі.
Па пытаннях удзелу ў міжнародных выставах, удзелу ў мерапрыемствах дзелавой праграмы і наведвання экспазіцыі, а таксама іншых пытаннях можна звяртацца па тэлефонах: +375 17 226 91 33, +375 17 226 98 87, e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду., Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. - ЗАТ «МінскЭкспа».
Азнаёміцца з інфармацыяй аб выставах можна на сайце арганізатара і ў сацыяльнай сетцы Facebook.
